متين نرجع؟؟

موضوع: متين نرجع؟؟ الخميس نوفمبر 01, 2007 5:15 pm

متين نرجع لسعف حبوبه والكوريه والواسوق لصورة جدي وكتين جيت امد ايدي جدي اديني تعريفه ؟ بتقرأ الحمد يالمبروك ؟ بقراها وبجود في القرايه كمان عشان تعريفه القاها
صور محفورة في التاريخ وصور محفورة في التاريخ
وين يا يمه والله زمان مشتاق يمه لملاح النعيميه وريحة صاجك المحروق لما تسوي طعميه غباشة روب وعنزه حلوب بدور ارجع اجيك هناك ضاقت بي يايمه هنا بدور اتمسى بعيونك واصابحك ياحبيبتي انا صباح الخير على عيونك اتاري الدنيا من دونك شينه ومره وما تندار دي مره وحاره زي النار؟؟؟

موضوع: رد: متين نرجع؟؟ الأحد نوفمبر 04, 2007 7:57 pm

والله فكرة ميه ميه
ودا ممكن يحرك المكنتدي ويه
من الركوض الفيهو دا
وربنا يد
يك العافيه .....

تسلم اخي على المرور

وين الرجعله يا المجتبى مع العالم الكلو متغير و كل يوم بتخرج شي جيده و مع عصر العولمه و التكنلوجيا دي ما الظن الرجعه من الساهل
لكن لو كان بيد الواحد يحب كل الاشياء ترجع لطبيعتها

ياجــسد فــي الغربة && وأقــبل يانـفـس تنـــزلي

وأوعـك ياعــيون ماتـبكي && لو كان تبكي من كتر الدموع بضلي

ومهلي بخطاك ياروحي أوعك تجري && لوكان تجري من كتر الجري بتنشلي

وأصــبر يا قليبي أتحـمل الألأم && وأوعـك للصــبر ماتخـلي

كيفـن أعيــش بــلاك && كان قلـتي أنت مــن الجسد متبري

أتنـازل همـوم فــي الغربة && لــو بالذكـريات ونــاها

وأسـرح فـــي الوطن ياقلبي && وأيامــنا الزمــان عشـناها

ماالبـلد البتكرم سـيدها && الــزول مستحيل ينســاها

غشتنا الجـاليب النظيفة && الفـــي البــلـد شفــناها

كنت قايـل قروشـها كتيرة && والزول غيــر تعــب يلقـاها

كنت قايلـ السعــادة سعادة && أتاري وهــم حقيـقة تـراهـا

وبوبار مغتــرب في الحلـــة && وأصــمد ياجــسد فــي الغــربة

وأقبــل يانفـس تنزلي وأوعك && ياعيون ماتبكي من كتر الدموع بضلي

وتسلم ود كوستي على المرور